Bu gün İsveçrənin Nyon şəhərində, UEFA-nın mənzil-qərargahında İcraiyyə Komitəsinin növbəti iclası keçirilib.
Apasport.az saytının məlumatına görə, AFFA-nın baş katibi, UEFA-nın Ədalətli Oyun və Sosial Məsuliyyət Komitəsinin (Fair Play and Social Responsibility Committee) sədri Elxan Məmmədov İcraiyyə Komitəsinin iclasına dəvət olunub.
O, rəhbərlik etdiyi komitənin fəaliyyəti ilə bağlı hesabat məruzəsi ilə çıxış edib. Bundan əlavə, Ədalətli Oyun və Sosial Məsuliyyət Komitəsinin irəli sürdüyü “Child safeguarding” (Uşaqların mühafizəsi) siyasəti ilə bağlı təqdimat olunub. E.Məmmədov İcraiyyə Komitəsi qarşısında qeyd olunan siyasətin müvafiq əsasnaməsinin təsdiqi təklifini səsləndirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
