İspaniya La Liqasının XVIII turunun bir oyunu təxirə salınıb.
Apasport.az saytının məlumatına görə, “Atletiko” – “Atletik” görüşü təqvimdə nəzərdə tutulduğu kimi, bu gün baş tutmayacaq.
Buna səbəb Madriddə güclü qarın yağmasıdır. Qar yağışı və külək matçın keçiriləcəyi arenanı yararsız hala salıb. La Liqa rəhbərliyi çempionatın lideri “Atletiko”nun bu gün keçirməli olduğu ev matçını təxirə salıb. Qarşılaşmanın nə vaxt baş tutacağı hələlik məlum deyil.
Qeyd edək ki, İspaniyada hava şəraitinin əlverişsiz olması ucbatından turun daha bir neçə görüşünün təxirə salınması istisna edilmir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
