"Keşlə" monteneqrolu futbolçusu ilə müqaviləni yeniləyib

"Keşlə" monteneqrolu futbolçusu ilə müqaviləni yeniləyib
  • Clock-gray 22:24
  • calendar-gray 23 İyun 2020

Bakının “Keşlə” klubu daha bir futbolçusu ilə müqaviləni uzadıb. 

Apasport.az saytı klubun feysbuk səhifəsinə istinadən xəbər verir ki, Premyer Liqanın bürünc medalçısı müdafiəçisi Miyusko Boyoviçlə danışıqları müsbət yekunlaşdırıb. 

Razılığa əsasən, 32 yaşlı monteneqrolu futbolçu daha bir il baş məşqçi Tərlan Əhmədovun sərəncamında olacaq. 

“Keşlə” Boyoviçdən öncə Ruslan Əmircanov, Tərlan Quliyev, Azər Salahlı və Vüsal İsgəndərli ilə də müqaviləni uzadıb, Tural Axundovu rənglərinə bağlayıb. 

Qeyd edık ki, Miyusko Boyoviç yarımçıq başa çatdırılan Premyer Liqanın 20 turundan 19-da meydana çıxıb və 2 qol vurub. 

ApaSport

Digər xəbərlər