Çempionlar Liqasının 1/8 final mərhələsində "Napoli" ilə oyunun azarkeşsiz keçirilməsi "Barselona"ya baha başa gələcək.
Apasport.az saytının məlumatına görə, boş tribunalar önündə oynamaq Kataloniya klubuna 6 milyon avro ziyan vuracaq.
Bunu İspaniya çempionunun prezidenti Xosep Bartomeu deyib. O bildirib ki, buna baxmayaraq, koronavirus epidemiyası ilə bağlı UEFA-nın matçı bağlı qapılar arxasında keçirmək qərarını dəstəkləyirlər: "Oyunu azarkeşsiz keçirmək bizə 6 milyon avro ziyan vuracaq. Təəssüf ki, bu hal bütün dünya futboluna, azarkeş marağına mənfi təsir göstərəcək. Ancaq sağlamlıq baxımından düzgün qərardır. Biz bu virusun həlli üçün birgə məsuliyyət daşımalıyıq".
Qeyd edək ki, "Barselona" - "Napoli" oyunu martın 18-də keçiriləcək. Bu komandalar arasında İtaliyada baş tutan ilk qarşılaşmada 1:1 hesabı qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
