Futbol

Ana səhifə

Futbol

“Liverpul”la - “Mançester Yunayted” heç-heçə oynayıb, “Mançester Siti” potensial lider olub

18 yanvar 2021 01:03 (UTC +04:00)

İngiltərə Premyer Liqasında XIX turun mübarizəsi davam edir.

Apasport.az saytının məlumatına görə, bu gün nəzərdə tutulan 4 oyundan üçü baş tutub.

“Aston Villa” – “Everton” qarşılaşması kütləvi koronavirusa yoluxma aşkarlanan birincilərin tələbi ilə təxirə salınıb.

Autsayder “Şeffild Yunayted”in qonağı olan “Tottenhem” 3 xalı 3 qolla aktivinə yazdırıb.

Mərkəzi oyunda əzəli rəqiblər “Liverpul”la “Mançester Yunayted” üz-üzə gəlib. Çempionluq uğrunda mübarizədə rəqib olan komandaların “Enfild Roud”dakı dueli qapıçıların möhtəşəm qurtarışları sayəsində qolsuz bərabərliklə tamamlanıb. Bununla “Liverpul” Premyer Liqada ardıcıl 4-cü matçda qələbə qazana bilməyibsə, “Mançester Yunayted” uğurlu seriyasını davam etdirib - 9 qələbə, 3 heç-heçə.

Son vaxtlar qələbələri sıralayan “Mançester Siti” isə “Kristal Pelas”ı sınağa çəkib. Uğurlu çıxışını davam etdirən “şəhərlilər” ardıcıl 8-ci qələbəsini qazanmaqla yanaşı, məğlubiyyətsizlik seriyasını 15 matça (12 qələbə, 3 heç-heçə) yüksəldib. Ehtiyatında bir oyun olan Pep Qvardiolanın yetirmələri həm də potensial liderdir.

Qeyd edək ki, turun “Arsenal” – “Nyukasl” oyunu yanvarın 18-də (00:00) keçiriləcək.

İngiltərə Premyer Liqası
XIX tur
17 yanvar
“Şeffild Yunayted” – “Tottenhem” – 1:3
Makqoldrik, 59 – Orye, 5, Keyn, 40, Ndombele, 62
“Liverpul” – “Mançester Yunayted” – 0:0
“Mançester Siti” – “Kristal Pelas” – 4:0
Con Stons, 26, 68, İlkay Gündoğan, 56, Sterlinq, 88

1	Mançester Yunayted	18	11	4	3	34-24	37
2	Mançester Siti	17	10	5	2	29-13	35
3	Lester	18	11	2	5	33-21	35
4	Liverpul	18	9	7	2	37-21	34
5	Tottenhem	18	9	6	3	33-17	33
6	Everton	17	10	2	5	28-21	32
7	Çelsi	18	8	5	5	33-21	29
8	Sauthempton	18	8	5	5	26-21	29
9	Vest Hem	18	8	5	5	25-21	29
10	Aston Villa	15	8	2	5	29-16	26
11	Arsenal	18	7	3	8	20-19	24
12	Lids	18	7	2	9	30-34	23
13	Kristal Pelas	19	6	5	8	22-33	23
14	Vulverhempton	19	6	4	9	21-29	22
15	Nyukasl	17	5	4	8	18-27	19
16	Brayton	19	3	8	8	22-29	17
17	Bernli	17	4	4	9	9-22	16
18	Fulhem	17	2	6	9	14-25	12
19	Vest Bromviç	18	2	5	11	14-41	11
20	Şeffild Yunayted	19	1	2	16	10-32	5