“Qarabağ”ın futbolçusu Mahir Emreli Azərbaycan Premyer Liqasında 40-cı qolunu vurub.
Apasport.az saytının məlumatına görə, bu, XVII turun “Zirə” ilə səfər matçına (6:0) təsadüf edib.
Ölkə çempionatlarında 117-ci oyununa çıxan hücumçu yubiley qoluna sevinib. Mahir Premyer Liqada keçirdiyi yalnız ilk mövsümdə qol vura bilməyib. O, Azərbaycan çempionatları tarixində 40 və daha çox qol vuran 57-ci futbolçudur. Milli üzvü eyni sayda fərqlənən Mehman Allahverdiyev, Samir. A. Məmmədov, Junivan Suares və Fernando Pereslə birlikdə bombardirlər siyahısında 53-57-ci yerləri tutur.
Debüt etdiyi “Bakı”da qol hesabını açmayan Emreli “Qarabağ”ın heyətində Premyer Liqada 40-cı dəfə fərqlənib. O, Ağdam klubunun ölkə çempionatları tarixindəki 5-ci bombardiridir. Yalnız 4 futbolçu Mahirə qədər 40 top səddini adlayıb.
Qeyd edək ki, Mahir Emreli ötən turda “Qarabağ”da 100-cü çempionat oyununu keçirib.
Mövsüm |
klub |
oyun |
qol |
2014/15 |
Bakı |
16 |
0 |
2015/16 |
Qarabağ |
16 |
7 |
2016/17 |
Qarabağ |
21 |
3 |
2017/18 |
Qarabağ |
24 |
8 |
2018/19 |
Qarabağ |
26 |
16 |
2019/20 |
Qarabağ |
14 |
6 |
Cəmi |
|
117 |
40 |