“Tovuza güclü qar yağır, belə hava şəraitində oyun keçirmək qeyri-mümkün idi”.
Bunu apasport.az saytına Qərb Regional Futbol Federasiyasının prezidenti Nadir Nəbiyev I divizionun XIII turunun “Turan Tovuz” – “Sumqayıt-2” matçının təxirə salınmasına münasibət bildirərkən deyib.
“Turan”ın sabiq futbolçusu meydançanın qarla tamamilə örtüldüyünü söyləyib: “İkinci hissə təzə başlamışdı ki, beş dəqiq keçməmiş matçı saxladılar. Meydançadakı xətti silmək istədilər, alınmadı. Çünki xətti silən kimi üstü yenidən örtülür. Qar o qədər güclü yağır ki, heç göz açıb baxmaq olmur”.
Qeyd edək ki, 51-ci dəqiqədə hesab 0:0 olarkən dayandırılan qarşılaşma qeyri-müəyyən müddətə təxirə salınıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
