Norveç yığması Millətlər Liqasının son turunda Avstriya ilə səfər oyununa yollanacaq.
Apasport.az saytının məlumatına görə, ölkənin Səhiyyə Nazirliyi komandanın xaricə getməsinə icazə verib.
Lakin Norveçin əsas heyəti deyil, U-21 yığması Avstriya önünə çıxacaq. Buna səbəb əsas millidə bir futbolçunun koronavirus infeksiyasına yoluxmasıdır. Noyabrın 18-də baş tutacaq görüşdə yığmaya U-21-in çalışdırıcısı Leyf Qunnar Smerud rəhbərlik edəcək.
Qeyd edək ki, noyabrın 15-də keçirilməli olan Rumıniya – Norveç oyunu ikincilərin səfərə yollanmaması səbəbindən ləğv olunub.