Futbol

Ana səhifə

Futbol

PSJ 9-cu dəfə Fransa çempion olub

30 aprel 2020 21:44 (UTC +04:00)

Fransa çempionatına rəsmən yekun vurulub.

Apasport.az saytının məlumatına görə, bu gün Liqa1 koronavirus pandemiyası səbəbindən dayandırılan mövsümün bərpa olunmadan başa çatdığını elan edib.

Liqa1 mövcud olan son turnir cədvəlini yekun kimi saymağı məqsədəuyğun bilib. Qurum turnir cədvəlinin lideri PSJ-ni çempion elan edib.

Liqa1-in bəyanatında da bu, öz əksini tapıb: “2019/20 mövsümündə keçirilmiş bütün oyunlarda toplanan xalların hesaba alınması barədə qərardan sonra “Pari Sen-Jermen” rəsmən Liqa1-in çempionu hesab edilib”.

Bu, PSJ-nin 9-cu çempionluğudur. 1986, 1994, 2013-2016-cı illərdə də qızıl medallara yiyələnən Paris klubu 2018-ci ildən başlayaraq ardıcıl 3-cü dəfə bu uğura nail olub.

Qərara əsasən, “Marsel” gümüş, “Renn” bürünc medalla Çempionlar Liasına vəsiqə əldə edib. “Lill”, “Reyms” və “Nitsa” Avropa Liqasında oynayacaq. Amyen”lə “Tuluza” aşağı dəstəyə yollanıb.

Qeyd edək ki, bunadək Fransanın baş naziri Eduard Filipp 2019/20 mövsümünün koronaviruus pandemiyasına görə davam etdirilə bilməyəcəyini açıqlamışdı. Bu gün isə “Ekip” nəşri PSJ-nin çempion elan olunacağını öncədən proqnozlaşdırmışdı və bu ehtimal özünü doğruldub.

1	PSJ	27	22	2	3	75-24	68
2	Marsel	28	16	8	4	41-29	56
3	Renn	28	15	5	8	38-24	50
4	Lill	28	15	4	9	35-27	49
5	Reyms	28	10	11	7	26-21	41
6	Nitsa	28	11	8	9	41-38	41
7	Lion	28	11	7	10	42-27	40
8	Monpelye	28	11	7	10	35-34	40
9	Monako	28	11	7	10	44-44	40
10	Anje	28	11	6	11	28-33	39
11	Strasburq	27	11	5	11	32-32	38
12	Bordo	28	9	10	9	40-34	37
13	Nant	28	11	4	13	28-31	37
14	Brest	28	8	10	10	34-37	34
15	Mets	28	8	10	10	27-35	34
16	Dijon	28	7	9	12	27-37	30
17	Sent-Etyen	28	8	6	14	29-45	30
18	Nim	28	7	6	15	29-44	27
19	Amyen	28	4	11	13	31-50	23
20	Tuluza	28	3	4	21	22-58	13