Futbol

Ana səhifə

Futbol

“Qalatasaray” 21 ildən sonra səfərdə “Fənərbaxça”ya qalib gəlib

23 fevral 2020 22:08 (UTC +04:00)

Türkiyə Super Liqasında XXIII tur davam edir.

Apasport.az saytının məlumatına görə, bu gün turun daha üç qarşılaşması keçirilib.

Bütün diqqətlər İstanbul derbisinə yönəlib. “Qalatasaray”ı qəbul edən “Fənərbaxça” ilk yarının ortalarında penaltidən hesabı açıb. Son çempion fasilə ərəfəsində tarazlığı bərpa edib. Hakimin final fitinə 10 dəqiqə qalmış Radamel Falkao penaltini dəqiq yerinə yetirməklə, “sarı-qırmızılar”ı hesabda önə çıxarıb. Qarşılaşmada son nöqtəni onun komanda yoldaşı Anri Onyekuri qoyub – 3:1. Bu qələbə “Qalatasaray”a liderliyə şərik olmaq imkanı verib. “Cim-Bom” həm də “Fənərbaxça” ilə səfər matçlarındakı 21 illik qələbə həsrətinə son qoyub. Həmin vaxt – 1999-cu il dekabrın 22-də “Qalatasaray” 2:1 hesabı ilə qalib gəlib.

Digər iki qarşılaşmada turnir cədvəlinin ikinci yarısında qərarlaşan komandalar üz-üzə gəliblər. “Ankaragücü”nü bir qolla məğlub edən “Gənclərbirliyi” təhlükəli zonadan uzaqlaşıb.

“Antalyaspor” isə “Yeni Malatyaspor”un qonağı olub. Meydan sahibləri Antalya təmsilçisi qarşısında məğlubiyyətlə üzləşib.

Qeyd edək ki, tura fevralın 24-də yekun vurulacaq.

Türkiyə Super Liqası
XXIII tur
23 fevral
“Gənclərbirliyi” – “Ankaragücü” – 1:0
Sio, 74
“Yeni Malatyaspor” – “Antalyaspor” – 1:2
Bulut, 29 – Kulembe, 8, Podolski, 89
“Fənərbaxça” – “Qalatasaray” – 1:3
Kruze, 21 (pen.) – Donk, 40, Falkao, 80 (pen.), Onyekuri, 90+5

1.	Trabzonspor	22	13	6	3	49:23	45
2.	Qalatasaray	23	13	6	4	38:18	45
3.	Sivasspor	23	13	6	4	42:26	45
4.	Başakşəhər	22	12	7	3	41:22	43
5.	Alanyaspor	23	11	6	6	41:22	39
6.	Fənərbaxça	23	11	5	7	42:28	38
7.	Beşiktaş	23	11	4	8	36:30	37
8.	Göztəpə	22	9	7	6	29:24	34
9.	Qaziantep	23	8	7	8	34:36	31
10.	Gənclərbirliyi	23	7	6	10	32:39	27
11.	Antalyaspor	23	6	7	10	25:40	25
12.	Y.Malatyaspor	22	6	6	10	35:32	24
13.	Dənizlispor	22	6	6	10	21:30	24
14.	Rizəspor	21	7	3	11	21:32	24
15.	Konyaspor	23	4	9	10	19:32	21
16.	Ankaragücü	23	4	8	11	20:39	20
17.	Kasımpaşa	22	4	4	14	29:49	16
18.	Kayserispor	23	3	7	13	24:56	16