"Qalatasaray" daha bir transferi açıqlayıb.
Apasport.az saytının məlumatına görə, İstanbul təmsilçisi "Sivasspor"un yarımmüdafiəçisi Əmrə Kılınçı heyətinə cəlb edib.
Sivas klubu ilə müqavilə müddəti başa çatdığı üçün "cim-bom"a pulsuz başa gələn 26 yaşlı cinah oyunçusu yeni komandası ilə 4 illik müqavilə imzalayıb. Bu müddətdə onun qazancı 36 milyon 850 min lirə təşkil edəcək. Əmrə ötən mövsüm Super Liqada keçirdiyi 28 oyunda 8 qol vurub, 5 məhsuldar ötürmə verib.
Qeyd edək ki, "Qalatasaray" buna qədər "Rizəspor"dan Oğulcan Çağlayanı transfer edib.