“Qalatasaray”ın transfer etmək istədiyi futbolçular bəlli olub

“Qalatasaray”ın transfer etmək istədiyi futbolçular bəlli olub
  • Clock-gray 12:08
  • calendar-gray 04 Dekabr 2020

Türkiyənin “Qalatasaray” klubu qış fasiləsində heyətinə qatmaq istədiyi 3 futbolçunu müəyyənləşdirib.

Apasport.az saytının məlumatına görə, onlardan ikisi əvvəllər “cim-bom”un formasını geyinən yarımmüdafiəçilər Jan Mişel Seri və Henri Onyekurudur.

Onyekuru ilə ilkin razılıq artıq əldə edilib. “Qalatasaray” nigeriyalının klubu “Monako”ya 1,5 illik icarəyə götürmək təklifi göndərib. “Fulhem”də əsas heyətə düşə bilməyən Seri ilə bağlı plan da eynidir. “Sarı-qırmızılılar” hər iki oyunçunun sözləşməsinə birdəfəlik transfer etmək bəndini əlavə etmək fikrindədir.

Baş məşqçi Fatih Terimin alınmasını istədiyi digər oyunçu isə “Fortuna”nın hücumçusu Kənan Karamandır. “Cim-bom” almanlarla müqavilə müddəti mövsümün sonuna qədər olan 26 yaşlı forvardı yanvarda ucuz qiymətə almaq niyyətindədir.

ApaSport

Digər xəbərlər