Futbol

Azərbaycan Premyer Liqasında XV tura yekun vurulub.

Apasport.az saytının məlumatına görə, III dövrənin ilk turu bu gün keçirilən iki matçla yekunlaşıb.

Günə Qəbələdə start verilib. Turnir cədvəlinin ikinci yarısında qərarlaşanların duelində “Keşlə" “Qəbələ”nin qonağı olub. Uzun müddət “Qəbələ”də çalışan Sənan Qurbanovun rəhbərliyi altında “Keşlə” çempionatda keçirdiyi ilk görüşdə meydanı məğlub tərk edib. “Qırmızı-qaralar” ikinci hissədə vurduğu iki cavabsız qolla aktivinə 3 xal yazdırıb.

Tura paytaxt derbisi ilə yekun vurulub. Mükafatlara iddialı “Zirə” çempionatın autsayderi “Sabah”ı sınağa çəkib. “Qarabağ”ın bir gün əvvəl məğlubiyyəti “Zirə”yə yaxınlaşmaq imkanı yaradıb. Lakin Rəşad Sadıqovun kollektivi gözlənilmədən büdrəyib. Kevin Kubembanın dublu sayəsində “Sabah” iki dəfə önə keçsə də, üstünlüyünü sona qədər qoruya bilməyib. Buna baxmayaraq, qazanılan 1 xal da “Sabah”ı turnir cədvəlinin “zirzəmi”sindən xilas edib.

Qeyd edək ki, turun ilk günündə keçirilən hər iki görüşdə üç qol vurulub. “Sumqayıt” evdə “Səbail”i 3:0, “Neftçi” səfərdə “Qarabağ”ı 2:1 hesabı ilə məğlub edib.

Azərbaycan Premyer Liqası
XV tur
14 fevral (bazar)

15:00. “Qəbələ” – “Keşlə" - 2:0
Qollar: Merab Qiqauri, 50, Rafael Utriq, 70
Hakimlər: Rauf Cabarov, Akif Əmirəli, Nahid Əliyev, Rəhim Həsənov
“Qəbələ”: 1. Anar Nəzirov (k), 11. Asif Məmmədov, 28. Murad Musayev, 9. Ehtiram Şahverdiyev, 77. Merab Qiqauri, 32. Nikolas Raysel, 13. Yurgen Qoxa, 26. Stefan Vukçeviç, 23. Rafael Utriq, 10. Rövlan Muradov, 71. Rüfət Əhmədov
Ehtiyat oyunçular: 94. Tərlan Əhmədli, 5. Rasim Ramaldanov, 74. Yusif Nəbiyev, 70. Ülvi İsgəndərov, 4. Sadiq Quliyev, 7. Roman Hüseynov, 14. Cavid Hüseynov, 99. Ceyms Adeniyi, 17. Yaovi Akakpo, 20. Faiq Hacıyev, 55. İdris İnqilablı
Baş məşqçi: Elmar Baxşıyev
“Keşlə”: 1. Stanislav Namaşko, 19. Azər Salahlı, 17. Vüsal İsgəndərli, 8. Tural Axundov, 4. Şəhriyar Əliyev (k), 21. Miyusko Boyoviç, 10. Sezar Meza Kolli, 91. Sadio Tonkara, 9. Anatole Abanq, 29. Yevgeni Koçuk, 99. Rafael Məhərrəmli
Ehtiyat oyunçular: 85. Kamal Bayramov, 27. Əkpər Vəliyev, 3. Tərlan Quliyev, 18. Ruslan Əmircanov, 20. Rail Məlikov, 23. Nicat Qurbanov, 11. Silvio Rodriges, 14. Turan Vəlizadə, 79. Bahadur Həziyev, 78. Şirin Şirinov
Baş məşqçi: Sənan Qurbanov
Qəbələ şəhər stadionu

17:00. “Zirə” – “Sabah” - 2:2
Qollar: Davit Volkov, 79, Klesio Bauk, 90+3 - Kevin Kubemba, 9, 82
Hakimlər: Kamal Umudlu, Cavanşir Yusifov, Rahil Ramazanov, Rauf Allahverdiyev
“Zirə”: 1. Mateus Albino, 8. İlkin Muradov, 4. Elvin Camalov (k), 32. Qismət Alıyev, 30. Riçard Almeyda, 9. Davit Volkov, 11. Klesio Bauk, 12. Lazar Corceviç, 44. Dmitrios Çantakias, 26. Nemanya Andelkoviç, 29. Musa Qurbanlı
Ehtiyat oyunçular: 62. Abdulla Seyidəhmədov, 10. Ağabala Ramazanov, 2. Sərtan Taşkın, 13. Şəhriyar Rəhimov, 5. Kərim Diniyev, 99. Filipe Paxtman, 21. Hacıağa Hacılı, 20. Əli Şirinov, 77. Cəlal Hüseynov, 6. Ayxan Süleymanlı
Baş məşqçi: Rəşad Sadıqov
“Sabah”: 12. Alvaro Villete, 14. Slavik Alxasov, 10. Aleksey İsayev, 34. Bəxtiyar Həsənalızadə, 13. Filip İvanoviç (k), 23. Amadu Diallo, 28. Kevin Kubemba, 30. Mario Marina, 26. Fofana Tiemoko, 2. Amin Seydiyev, 6. Şakir Seyidov
Ehtiyat oyunçular: 94. Nicat Mehbalıyev, 31. Rüstəm Samiqullin, 7. Coşqun Diniyev, 15. Ruslan Abışov, 17. Məhəmməd Mirzəbəyov, 90. Ramil Şeydayev, 9. Xulio Sezar Rodriges, 48. Dmitro Klots, 38. Arsen Ağcabəyov, 77. Veysəl Rzayev
Baş məşqçi: Visente Qomes
Zirə İdman Kompleksinin stadionu

Bombardirlər: Mahir Emreli ("Qarabağ") - 11 qol, Namiq Ələsgərov ("Neftçi") - 10 , Filip Ozobiç ("Qarabağ"), Əli Qurbani (“Sumqayıt”) - 7.