Futbol

Ana səhifə

Futbol

Türkiyə Super Liqasında mükafatçılar və avrokuboklara vəsiqə qazanan klublar bilinib

26 iyul 2020 00:06 (UTC +04:00)

Türkiyə Super Liqasında sonuncu - XXXIV tur davam edir.

Apasport.az saytının məlumatına görə, turun ikinci günündə 7 matç keçirilib.

Bu qarşılaşmalar gümüş və bürünc medalçıları, həmçinin Çempionlar Liqası və Avropa Liqasına son vəsiqələrin sahiblərini müəyyənləşdirib. Eyni zamanda, aşağı liqaya yuvarlanan daha iki komandanın adına aydınlıq gətirib.

Çətin Kayseri səfərində xal qazanan “Trabzonspor” ikinci pilləni qoruyaraq gümüş medallara yiyələnib. Azərbaycan millisinin sabiq baş məşqçisi Robert Prosineskinin çalışdırdığı “Kayserispor” isə xal itkisi nəticəsində aşağı liqaya yuvarlanmaqdan xilas ola bilməyib. Eyni aqibətlə “Yeni Malatyaspor”da üzləşib. Evdə “Qaziantep”ə məğlubiyyət malatyalıları Super Liqadan kənar qalmasına səbəb olub.

UEFA tərəfindən cəzalandırılan, lakin İdman Arbitraj Məhkəməsinə (CAS) şikayət edən Trabzon təmsilçisi cəza üzündən avrokuboklara buraxılmasa, Çempionlar Liqasına vəsiqə bürünc medalçıya nəsib olacaq. “Sivasspor” “Göztəpə”yə uduzaraq bu imkanı qaçırıb.

Nəticədə “Gənclərbirliyi” üzərində səfər qələbəsinə sevinən “Beşiktaş” üçüncülüyü əldə edib. Bürünc medallar İstanbul təmsilçisini Çempionlar Liqasının II təsnifat mərhələsinə də daşıya bilər.

“Trabzonspor”un cəzası qüvvədə qalarsa, “Sivasspor” 4-cü, “Alanyaspor” 5-ci, “Qalatasaray” 6-cı yerin sahibi kimi Avropa Liqasında oynayacaq. Əgər CAS-ın qərarı trabzonluları avrokuboklarda oynamasına imkan versə, qaradənizlilər Çempionlar Liqasında, “Beşiktaş”, “Sivasspor” və “Alanyaspor” Avropa Liqasında qüvvəsini sınayacaq, “Qalatasaray” isə kənarda qalacaq.

Qeyd edək ki, bir gün öncə keçirilən "Antalyaspor" - "Qalatasaray" (2:2) başlayan tura iyulun 26-da yekun vurulacaq. Son matçda çempionluğu öncə təmin edən “Başakşəhər” “Kasımpaşa”nın qonağı olacaq.

Türkiyə Super Liqası
XXXIV tur
25 iyul
Türkiyə Super Liqası
XXXIV tur
25 iyul
“Konyaspor” – “Alanyaspor” – 2:3
Uludağ, 19, Aniçiç, 27 – Fernandes, 62, Bakasetas, 80, Karaca, 87
“Dənizlispor” – “Ankaragücü” – 0:1
Parlak, 90
“Fənərbaxça” – “Rizəspor” – 3:1
Əmrə Bəlözpğlu, 39 (pen.), Rodriges, 60, Tufan, 90 – Şkoda, 53
“Gənclərbirliyi” – “Beşiktaş” – 0:3
Hatçinson, 52 (pen.), Diabi, 78, Elneni, 80 (pen.)
“Göztəpə” – “Sivasspor” – 3:1
Napoleoni, 31 (pen.), Mossoro, 55, Emir, 90 (pen.) – Andrade, 49
“Kayserispor” – “Trabzonspor” – 1:2
Enrike, 86 - Novak, 63, Sorlot, 90
“Yeni Malatyaspor” – “Qaziantep” – 0:1
Ciloboci, 63

1	Başakşəhər	33	20	9	4	63-31	69
2	Trabzonspor	34	18	11	5	76-42	65
3	Beşiktaş	34	19	5	10	59-40	62
4	Sivasspor	34	17	9	8	55-38	60
5	Alanyaspor	34	16	9	9	61-37	57
6	Qalatasaray	34	15	11	8	55-37	56
7	Fənərbaxça	34	15	8	11	58-46	53
8	Qaziantep	34	11	13	10	49-50	46
9	Antalyaspor	34	11	12	11	41-52	45
9	Göztəpə	34	11	9	14	44-49	42
10	Kasımpaşa	33	11	7	15	50-56	40
12	Konyaspor	34	8	12	14	36-52	36
13	Gənclərbirliyi	34	9	9	16	39-56	36
14	Dənizlispor	34	9	8	17	31-48	35
15	Rizəspor	34	10	5	19	38-57	35
16	Y.Malatyaspor	34	8	8	18	44-51	32
17	Ankaragücü	34	7	11	16	31-56	32
18	Kayserispor	34	8	8	18	40-72	32