Azərbaycan millisində oynamaq təklifi alan Avstriyanın ikinci liqa təmsilçisi “Blau-Vayss Lins”in yarımmüdafiəçisi Turqay Gəmicibaşının apasport.az saytına müsahibəsi
- Adınız Azərbaycan millisi ilə birgə hallanır. Bu nə dərəcədə doğrudur?
- Bəli, bundan mənim də xəbərim var. Bir tanışım belə bir variantın olduğunu demişdi.
- Təklif konkret kimdən gəlib?
- Şəxsən mənim özümə rəsmi təklif gəlməyib. Vyanada yaşayan bir dostuma Azərbaycandan zəng vurub maraqlanmışdılar. O da məndən Azərbaycan millisində oynayıb-oynamayacağımı soruşdu.
- Qərarınızı artıq vermisiniz?
- Bəli, bu barədə çox düşünməyə ehtiyac duymadım. Azərbaycan millisində oynamaq istəmirəm. Çünki Türkiyə vətəndaşıyam. Tək arzum Türkiyə yığmasının formasını geyinməkdir.
- Avstriyanın ikinci liqasında çıxış edən bir futbolçunu Türkiyə millisinə dəvət edərlərmi?
- Niyə də olmasın? Məqsədim klub karyeramı daha da yaxşılaşdırmaqdır. İnanıram ki, özümü göstərə bilsəm, Türkiyə millisinə də çağırılacağam. Yaşım buna ümid etməyə imkan verir.
- Azərbaycan millisindən gələn təklifi qəbul etsəydiniz, çempionatımızdakı komandalardan birinə keçmək yolunuz da açılardı. Təklifi rədd etdiyiniz üçün sonra peşman olmayacaqsınız?
- Xeyr, peşman olmaram. Çünki hədəfim Türkiyə millisidir. O ki qaldı Azərbaycan çempionatına, təklif olarsa, şərtləri gözdən keçirə bilərəm. “Blau-Vayss Lins”də yaxşı maaş alıram, aylıq məvacibim 7 min avrodur. Azərbaycanda klubların maliyyə durumunun necə olduğunu bilmirəm.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
