Ukrayna millisinin sabiq futbolçusu Azərbaycanda klub axtarır

Ukrayna millisinin sabiq futbolçusu Azərbaycanda klub axtarır
  • Clock-gray 10:35
  • calendar-gray 08 Fevral 2021

Ukrayna millisinin sabiq futbolçusu Yevgeni Xaçeridi karyerasını Azərbaycanda davam etdirə bilər.

Apasport.az xəbər verir ki, bu barədə “Dinamo Kiev İnsider” teleqram kanalı məlumat yayıb.

Bildirilib ki, Brest “Dinamo”sundan yenicə ayrılan 34 yaşlı mərkəz müdafiəçisi hazırda özünə yeni komanda axtarır. Karyerasının son illərində maliyyə cəhətdən qazanc əldə etmək istəyən Xaçeridinin Ukraynaya dönüşü gözlənilmir.

Çünki orada tələb etdiyi məvacibi ödəmək iqtidarında klub yoxdur: “Ən çox ehtimal olunan variant Azərbaycan və ya Qazaxıstandır. Xaçeridinin təmsilçiləri hazırda diqqətlərini bu çempionatlara yönəldiblər. Çünki maaş tələblərinə Ukrayna Premyer Liqa klublarının heç biri cavab vermir”.

Qeyd edək ki, Yevgeni Xaçeridi 2009-2018-ci illərdə Ukrayna yığmasının heyətində 51 oyun keçirib, 3 qol vurub.

ApaSport

Digər xəbərlər