Xaqani Məmmədov “Qəbələ”nin əsas komandasında çalışacaq

Xaqani Məmmədov “Qəbələ”nin əsas komandasında çalışacaq
  • Clock-gray 11:46
  • calendar-gray 08 Avqust 2020

“Qəbələ”nin məşqçilər korpusunda dəyişiklik edilib. 

Apasport.az klubun saytına istinadən məlumat verir ki, əyalət komandasının futbol akademiyasında çalışan Xaqani Məmmədov fəaliyyətini əsas komandada davam etdirəcək. 

44 yaşlı mütəxəssis “qırmızı-qaralar”ın məşqçisi təyin olunub. 2012-ci ildən “Qəbələ”nin futbol akademiyasında məşqçi kimi çalışan Məmmədov bu müddətdə müxtəlif yaş qrupu üzrə komandalarda fəaliyyət göstərib. Onun baş məşqçisi olduğu U-16 2019/20 mövsümündə çempion adını qazanıb.

Futbolçu kimi Azərbaycan milli komandasının da şərəfini qorumuş (1997-2008), karyerası ərzində “Neftçi”, “Xəzər” (Sumqayıt), MOİK, “ANS-Pivani”, “Şəmkir”, “Maşınsazi” (İran), “Xəzər Lənkəran”, “Olimpik”, “İnter” və “Karvan”ın formasını geyinib. O, 2007/08 mövsümündə Premyer Liqanın ən yaxşı bombardiri adını qazanıb.

Qeyd edək ki, bunadək Elmar Baxşıyevin başçılıq etdiyi məşqçilər korpusunda yer alan Azər Bağırovun “Qəbələ”dəki fəaliyyəti başa çatıb. 2019-cu ilin oktyabrından klubumuzda çalışan məşqçi 2019/20 mövsümündə əsas komandada məşqçi kimi fəaliyyət göstərib.

ApaSport

Digər xəbərlər