“İndi biz Lüksemburqa 1/16 finala vəsiqə üçün gedəcəyik. Qrup mərhələsi başlayan andan bunu bacaracağımıza inanırdıq”.
APA-nın məlumatına görə, bunu Kiprin APOEL klubunun futbolçusu Giorge Efrem deyib.
Avropa Liqasının qrup mərhələsinin IV turunun “Qarabağ”la oyunundakı 2:1 hesablı qələbədə pay sahibi olan futbolçu görüş barədə fikirlərini açıqlayıb. Komandasının ikinci qolu öncədən onun ayağına yazılsa da, sonradan Nikolas İoannounun aktivinə əlavə olunub.
C.Efrem isə qol müəllifi kimi danışıb: “Qarabağ”la matçdan sonra çempionatdakı işlərimizi də düzəltməliyik. Lüksemburqa 3 xal üçün yollanacağıq. Bu, ilk görüşdəki məğlubiyyətin kiçik revanşı olacaq. Görüşdə qol vuracağım barədə düşünüb-düşünmədiyimi deməkdə çətinlik çəkirəm. Lakin bu qol komandam üçün çox vacib olduğundan onu bayram edirəm”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
