19 yaşadək qızlardan ibarət Azərbaycan futbol millisi Avropa çempionatının seçmə mərhələsində ikinci oyununu keçirib.
APA-nın məlumatına görə, 3-cü qrupda qüvvəsini sınayan yığmamız II turda Almaniya ilə görüşüb.
Braqa şəhərindəki matç Bundestimin böyükhesablı qələbəsi ilə başa çatıb. Almaniyalılar yığmamızın qapısından 6 cavabsız top keçiriblər.
Bu, ilk turda Portuqaliyaya 0:8 hesabı ilə uduzan Vüqar Əsgərlinin baş məşqçisi olduğu komandanın ikinci məğlubiyyəti olub. Qrupun bu gün keçiriləcək digər oyununda Portuqaliya ilə Albaniya üz-üzə gələcək.
Qeyd edək ki, Azərbaycan yığması oktyabrın 8-də Albaniya ilə qarşılaşacaq.
Azərbaycan yığması seçmə mərhələdə ikinci məğlubiyyətini alıb
05 oktyabr 2019 19:37 (UTC +04:00)