İngiltərənin “Tottenhem” klubu antirekorda imza atıb.
APA-nın məlumatına görə, London təmsilçisinin Çempionlar Liqasının qrup mərhələsinin II turunun “Bavariya” ilə ev matçındakı 2:7 hesablı məğlubiyyət tarixə düşüb.
Bu, İngiltərə klublarının avrokuboklar tarixində ən böyükhesablı ev məğlubiyyətini olub. İndiyədək heç bir komanda İngiltərədə meydan sahiblərini 5 və ya daha çox top fərqi ilə məğlub edə bilməmişdi.
“Tottenhem” isə ümumiyyətlə tarixində ilk dəfə öz meydanında 7 top buraxıb. Londonlular ümumiyyətlə bu qədər qola sonuncu dəfə 1996-cı ildə “Nyukasl”la səfər matçında üzülüb.
İngiltərə klubunun baş məşqçisi Maurisio Poçettino karyerasının ən ağır məğlubiyyətini təkrarlayıb. O, 2012-ci ildə “Espanyol”u çalışdırarkən “Real”a 0:5 hesabı ilə uduzub.
“Bavariya” isə özünün avrokuboklarda ikinci ən böyük səfər qələbəsini bayram edib. Münhen təmsilçisi 2014-cü ildə İtaliyada “Roma”nı 7:1 hesabı ilə üstələyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
