Braziliya milli komandasının futbolçusu Filipe Luisin karyerasını davam etdirəcəyi klub müəyyənləşib.
APA-nın məlumatına görə, təcrübəli müdafiəçi çıxışını vətənində davam etdirəcək.
Sonuncu komandası İspaniya təmsilçisi “Atletiko” olan 33 yaşlı futbolçu “Flamenqo” ilə müqavilə bağlayıb. O, Braziliya klubuna azad agent kimi keçib. Onun anlaşması 2021-ci ilin sonuna qədər nəzərdə tutulub.
Qeyd edək ki, bir neçə gün əvvəl Madriddə onunla vida mərasimi təşkil olunmuşdu. 2010-14 və 2015-19-cu illərdə “Atletiko”da 333 oyuna 9 qol vuran müdafiəçi təmtəraqla yola salınmışdı.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
