Futbol

Ana səhifə

Futbol

İtaliya AVRO-2020-nin final mərhələsinə yüksəlib

13 oktyabr 2019 00:43 (UTC +04:00)

AVRO-2020-nin seçmə mərhələsində VII tur başa çatıb.

APA-nın məlumatına görə, turun son günündə üç qrupda 8 qarşılaşma keçirilib.

D qrupunun lideri İrlandiya Gürcüstanda meydan sahiblərinin müqavimətini qıra bilməyib – 0:0. İsveçrəni bir qolla məğlub edən Danimarka liderə çatıb.

F qrupunun lideri İspaniya ilk xal itkisi ilə üzləşib. Norveçlə səfər heç-heçəsi pireneylilərin indidən AVRO-2020-nin final mərhələsinə yüksəlməsinə mane olub. İsveç Maltanı, Rumıniya Farer adalarını üstələyib.

J qrupunda İtaliya final mərhələsinə vəsiqəni təmin edib. Apenninlilər də bunu Yunanıstan üzərində qələbə ilə rəsmiləşdirib. Bosniya və Herseqovina Finlandiyaya darmadağınla qalib gəlib. Lixtenşteynlə Ermənistanın matçında isə heç-heçə qeydə alınıb.

Qeyd edək ki, VII turun digər oyunları oktyabrın 10-11-də baş tutub.

AVRO-2020-nin seçmə mərhələsi
VII tur
12 oktyabr

D qrupu
17:00. Gürcüstan – İrlandiya – 0:0
20:00. Danimarka – İsveçrə - 1:0
Poulsen, 84

1	İrlandiya	6	3	3	0	5-3	12
2	Danimarka	6	3	3	0	16-5	12
3	İsveçrə	5	2	2	1	10-5	8
4	Gürcüstan	6	1	2	3	4-8	5
5	Cəbəllütariq	5	0	0	5	0-16	0

Növbəti oyunlar oktyabrın 15-də keçiriləcək: İsveçrə - İrlandiya, Cəbəllütariq – Gürcüstan.

F qrupu
20:00. Farer adaları – Rumıniya – 0:3
Puşkaş, 74, Mitrila, 83, Keseru, 90
22:45. Norveç – İspaniya – 1:1
Kinq, 90+3 (pen.) - Saul, 47
22:45. Malta – İsveç – 0:4
Danielson, 11, Larsson, 58 (pen.), 71 (pen.), Aqius, 66 (avtoqol),

1	İspaniya	7	6	1	0	18-4	19
2	İsveç	7	4	2	1	17-8	14
3	Rumıniya	7	4	1	2	16-7	13
4	Norveç	7	2	4	1	12-9	10
5	Malta	7	1	0	6	2-17	3
6	Farer a.	7	0	0	7	3-23	0

Növbəti oyunlar oktyabrın 15-də keçiriləcək: İsveç – İspaniya, Rumıniya – Norveç, Farer adaları – Malta.

J qrupu
20:00. Bosniya və Herseqovina – Finlandiya – 4:1
Xayroviç, 29, Pyaniç, 37 (pen.), 58, Hodziç, 73 – Pohyampalo, 79
22:45. Lixtenşteyn – Ermənistan – 1:1
Frik, 72 – Barseqyan, 19
22:45. İtaliya – Yunanıstan – 2:0
Jorjinyo, 63 (pen.), Bernardeski, 78