Bakının "Neftçi” futbol klubunun Türkiyə təlim-məşq toplanışı çərçivəsində keçirəcəyi ikinci yoxlama oyunundakı rəqibi müəyyənləşib.
APA-nın klubun rəsmi saytına istinadən məlumatına görə, Bakı təmsilçisi Rumıniyanın "Politexnika İaşi” klubu ilə qarşılaşacaq.
Görüş əvvəlcədən nəzərdə tutulduğu kimi iyunun 25-də deyil, 26-da keçiriləcək. Matç Bakı vaxtı ilə saat 19:00-da başlayacaq.
Oyun "Fənərbaxça Topuk Yaylası Resort and Sport” otelinin meydanında keçiriləcək.
Qeyd edək ki, "Neftçi” ilk sınaq matçında "SKA-Xabarovsk”a (Rusiya) 3:1 hesabı ilə qalib gəlib. İyunun 30-da Ukraynanın "Vorskla” klubu ilə sonuncu yoxlama oyununa çıxacaq "ağ-qaralar” iyulun 1-də Türkiyə toplanışını başa vuraraq vətənə qayıdacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
