19 yaşadək futbolçular arasında Azərbaycan çempionu “Qəbələ” bu gün növbəti avrokubok oyununu keçirəcək.
APA-nın məlumatına görə, Azərbaycanı UEFA Gənclər Liqasında təmsil edən “qırmızı-qaraıar” Çempionlar yolunun I mərhələsində cavab matçına çıxacaq.
Famil Xəlilovun baş məşqçisi olduğu komanda Kiprin APOEL klubu ilə üz-üzə gələcək. Üç həftə əvvəl səfərdə 1:1 hesablı heç-heçə edən “Qəbələ” ötənilki kimi yenə mərhələ adlamağa çalışacaq.
Qarşılaşma Qəbələ şəhər stadionunda keçiriləcək. Oyun saat 14:00-da başlayacaq.
Qeyd edək ki, bu cütün qalibi növbəti mərhələdə “Korona”nı (Polşa) mübarizədən kənarlaşdıran “Saraqosa” (İspaniya) ilə görüşəcək.
UEFA Gənclər Liqası
Çempionlar yolu
I mərhələ, cavab oyunu
24 oktyabr
14:00. “Qəbələ” – APOEL (Kipr)
Baş hakim: Denis Şurman
Baş hakimin köməkçiləri: Valentin Kutsev, Vladimir Korotin (hamısı Ukrayna)
Dördüncü hakim: Vüqar Həsənli (Azərbaycan)
UEFA nümayəndəsi: Amir Navon (İsrail)
Hakim-inspektor: Frits Ştuxlik (Avstriya)
Qəbələ şəhər stadionu
İlk oyun 1:1
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
