Türkiyəli sabiq FİFA referisi Dəniz Atəş Bitnel daha bir qalmaqala diqqət mərkəzinə düşüb.
APA-nın Türkiyə mətbuatına istinadən məlumatına görə, 37 yaşlı hakim həvəskarlar arasında keçirilən "Maltəpə 1923" - "Golden Master" qarşılamasının antiqəhrəmanı olub.
Bu matçda futbolçu kimi çıxış edən D. Bintel görüşün 51-ci dəqiqəsində hakim Mehmet Ağaçlınin qərarına sərt reaksiya verib və onu yumruqla yerə sərib.
Döyülən M. Ağaçlı D. Atəş barəsində hüquq-mühafizə orqanlarına şikayət edib. O, sabiq həmkarı tərəfindən 15 dəqiqə təhqir edildiyini də vurğulayıb.
Qeyd edək ki, 2016-cı ildə keçirilən "Trabzonspor" - "Qalatasaray" maçında göstərdiyi qırmızı vərəqələrə görə FİFA statusunu itirən və Salih Dursunun ona göstərdiyi qırmızı vərəqə ilə məşhurlaşan D. Bintel həvəskar səviyyədə peşəsini davam etdirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
