“Biz bilirik ki, qarşıdakı hər iki oyunda qələbə qazanmalıyıq. Əminik ki, oyun planını yerinə yetirsək, bunu edəcəyik”.
APA-nın məlumatına görə, bunu Uels yığmasının futbolçusu Harri Uilson deyib.
22 yaşlı yarımmüdafiəçi AVRO-2020-nin seçmə mərhələsinin son iki oyunu barədə fikirlərini açıqlayıb. “Liverpul”un “Bornmut”a icarəyə verdiyi futbolçu noyabrın 16-da Azərbaycan, üç gün sonra Macarıstana qarşı keçiriləcək görüşlərdə qələbə qazanmalı olduqlarını bildirib: “Azərbaycanla ilk oyun düşündüyümüzdən daha çətin oldu. Bu səbəbdən də onlara hörmətlə yanaşmaq niyyətindəyik”.
Qeyd edək ki, Azərbaycan – Uels oyunu “Bakcell Arena”da baş tutacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
