21 yaşadək futbolçulardan ibarət Azərbaycan millisinin rəqibi Ukrayna yığmasının heyətində dəyişiklik edilib.
Apasport.az saytının məlumatına görə, sabah Bakıda keçiriləcək yoldaşlıq oyunu ərəfəsində qonaqlar itkilərlə üzləşiblər.
AVRO-2021-in seçmə mərhələsinin Danimarka ilə görüşündən (2:3) sonra Bakıya gələn “göy-sarılar”ın üç futbolçusu matçda iştirak edə bilməyəcək. Yevgeni Çeberko, Yefim Konoplya və Georgi Sitaişvili sağlamlıq durumlarındakı problemlərə görə Bakıya gələcək heyətdən kənarlaşdırılıb.
Qeyd edək ki, Azərbaycan – Ukrayna oyunu “Dalğa Arena”da keçiriləcək.