Hadisə

Ana səhifə

Hadisə

Gəncənin Ağamalıoğlu küçəsi, ev 55 ünvanında baş verən partlayış nəticəsində xəsarət almış daha bir nəfər dünyasını dəyişib

29 yanvar 2007 09:14 (UTC +04:00)

Yanvarın 19-da Gəncənin Ağamalıoğlu küçəsi, ev 55 ünvanında baş verən partlayış nəticəsində ağır xəsarət almış Vəliyevlər ailəsinin daha bir üzvü yanvarın 26-da vəfat edib. APA-nın qərb bürosunun məlumatına görə, 1954-cü il təvəllüdlü Vəliyeva Məryəm Nəriman qızı xəstəxanada dünyasını dəyişib. Qeyd edək ki, ailənin başçısı, 1954-cü il təvəllüdlü Vəliyev Ramiz İsgəndər oğlu yanvarın 25-də vəfat edib. Ailənin digər iki nəfər üzvü hazırda Bakıda ciddi həkim nəzarəti altındadırlar. Xatırladaq ki, yanvarın 19-u, saat 07:40 radələrində Gəncə şəhəri Kəpəz rayonu Ağamalıoğlu küçəsi, ev 55 ünvanında məişət qazının sızması nəticəsində partlayış baş verib. Ümumi sahəsi 40 kv.m olan birmərtəbəli 2 otaqlı ev tamam yanıb. Hadisə nəticəsində ev sahibi, 1954-cü il təvəllüdlü Ramiz Vəliyev, onun həyat yoldaşı, 1954-cü il təvəllüdlü Məryəm Vəliyeva, övladları - 1993-cü il təvəllüdlü Vəliyev İsgəndər Ramiz oğlu və 1985-ci il təvəllüdlü Vəliyeva Gülnar Ramiz qızı müxtəlif dərəcədə xəsarət alıblar. /APA/