Hadisə

Ana səhifə

Hadisə

“Azadlıq” qəzetinin apellyasiya şikayətinə sabah baxılacaq

14 fevral 2007 13:26 (UTC +04:00)

“Azadlıq” qəzetinin apellyasiya şikayətinə sabah baxılacaq. Bu barədə APA-ya qəzetin baş direktoru Azər Əhmədov məlumat verib. Onun sözlərinə görə, yanlış olaraq iddiaçılara şikayətə bu gün baxılacağı ilə bağlı məlumat verilib: “Qəzetin nümayəndələri və hüquqşünaslar məhkəməyə getdikdə onlara bildirilib ki, iclas bu günə yox, sabaha təyin olunub. Ona görə də bu gün şikayətlə bağlı iclas keçirilməyib”. A.Əhmədov məhkəmə iclasının hakim Mirzə Tağızadənin sədrliyi ilə saat 15.30-da başlayacağını bildirib.
Qeyd edək ki, Səbail Rayon Məhkəməsi “Azadlıq” qəzetinin Ədliyyə Nazirliyi Məhkəmə Nəzarətçiləri və İcraçıları İdarəsi, Bakı Şəhər Baş Polis İdarəsi, Səbail Rayon Polis İdarəsi və Daxili İşlər Nazirliyinin Daxili Qoşunlarına qarşı iddiasını təmin etmədiyi üçün qəzet rəhbərliyi Apellyasiya Məhkəməsinə müraciət edib. /APA/