Nardaranda narkomaniya ilə mübarizə kampaniyası çərçivəsində növbəti aksiya keçirilib
16 fevral 2007 15:00 (UTC +04:00)
Nardaranda narkomaniya ilə mübarizə kampaniyası davam etdirilir. APA-nın məlumatına görə, bu gün qəsəbədə yerləşən “Cümə” məscidində günorta namazından sonra bununla bağlı toplantı keçirilib. Kənd sakinlərinin əksəriyyətinin qatıldığı toplantıda qəsəbədə narkomaniya ilə mübarizə vasitələri ətrafında müzakirələr aparılıb. Nardaran ağsaqqalları və kəndin din xadimləri tövbə edən şəxslərin üzərinə böyük yük düşdüyünü vurğulayıblar. Kənd sakini Hacı Əli Hüseynov bildirib ki, narkotik maddəyə aludə olan şəxslərin bəziləri kənd əhalisi arasında aşkarlanmaqdan utanırlar. Ə. Hüseynov həmin şəxsləri iradəli olmağa və tövbə etməyə çağırıb. Tövbə edən kənd sakinlərindən bir neçəsi çıxış edərək, narkotik maddə qəbul edən həmkəndlilərindən uyuşduruculardan istifadə etməməyi xahiş edib. Sonda kənd ağsaqqalları Nardaranda narkotik maddələrin satışı ilə məşğul olan şəxslərdən əməllərindən çəkinməyi tələb ediblər. Toplantıda bildirilib ki, əks təqdirdə, həmin adamlar cəzalandırılacaqlar. /APA/
Hadisə
Sumqayıtda ata və anasını öldürməkdə şübhəli bilinən şəxs saxlanılıb - YENİLƏNİB
03:20
19 aprel 2024
Bakıda oğul atasını küt alətlə döyüb
23:21
18 aprel 2024
Aksiz markası olmayan 1058 qutu siqaret aşkarlanıb - FOTO
18:50
18 aprel 2024
İranlı narkotacirin sifarişi ilə 12 kq narkotik əldə edən şəxs həbs olunub
18:43
18 aprel 2024