Gəncə Şəhər Polis İdarəsinin gecə barlarında keçirdiyi reydlər zamanı 82 nəfər saxlanılıb

Gəncə Şəhər Polis İdarəsinin gecə barlarında keçirdiyi reydlər zamanı 82 nəfər saxlanılıb
# 20 fevral 2007 08:24 (UTC +04:00)
Bu günlərdə Gəncə Şəhər Polis İdarəsinin əməkdaşları şəhərin gecə barlarında reydlər keçirərək, qanunları müxtəlif formalarda pozan 82 vətəndaşı saxlamışdır. Bu barədə APA-nın qərb bürosuna idarənin rəis müavini Çoban Hüseynov məlumat verib. Onun sözlərinə görə, saxlanılanlar arasında 5 nəfər azyaşlı, eləcə də pasport rejimini pozanlar, Bakı və digər şəhərlərdən gələrək Gəncədə heç bir yerdə qeydiyyatda olmayanlar aşkar olunub: “Aparılan reydlər zamanı barlarda spirtli içkilər qəbul edərək ictimai asayişi pozan 10 nəfər barədə inzibati protokol tərtib olunub. Bundan başqa, yoxlamalar zamanı əvvəllər axtarışda olan 7 nəfər tutularaq istintaqa cəlb olunub”. Ç. Hüseynov əlavə edib ki, reydlər əsasən şəhərin “Palma”, “Çempion”, “Leo”, “Tunel” və digər gecə barlarında aparılıb: “Gəncə Şəhər Polis İdarəsi belə reydləri mütəmadi davam etdirəcək. Lakin həmin gecə barlarının sahibləri də özlərində məsuliyyət hiss etməli və müəssisələrində qayda-qanuna nəzarət etməlidirlər”. /APA/
#
#

ƏMƏLİYYAT İCRA OLUNUR