Astarada görünən vertolyotlar İran prezidenti və onu müşayiət edənləri daşıyan mülki vertolyotlar imiş

Astarada görünən vertolyotlar İran prezidenti və onu müşayiət edənləri daşıyan mülki vertolyotlar imiş
# 22 fevral 2007 12:26 (UTC +04:00)
“Azərbaycanın Astara rayon sakinlərinin səmada gördükləri vertolyotlar İran prezidenti Mahmud Əhmədinejad və onu müşayiət edən şəxsləri daşıyan mülki vertolyotlardır”. Bu sözləri APA-ya açıqlamasında İranın Azərbaycandakı səfirliyinin mətbuat katibi Məcid Feyzollahi deyib. O bildirib ki, İran prezidenti bir neçə gündür Gilan ostanında səfərdədir və müxtəlif şəhərlərdə əhali ilə görüşlər keçirir, müəssisələrə baş çəkir. Azərbaycan Astarası ilə sərhəddə olan İran Astarası da Gilan ostanına daxildir. İranlı diplomatın sözlərinə görə, narahatlığa heç bir səbəb yoxdur və sərhəddə hərbi təlimlər aparılmır. /APA/
#
#

ƏMƏLİYYAT İCRA OLUNUR