Hadisə

Ana səhifə

Hadisə

Sumqayıtda iki naməlum şəxs polis əməkdaşına odlu silahdan atəş açaraq hadisə yerindən qaçıb

29 mart 2007 08:49 (UTC +04:00)

Bu barədə APA-ya Daxili işlər Nazirliyinin mətbuat xidmətinin əməkdaşı Ehsan Zahidov məlumat verib. Onun sözlərinə görə, naməlum şəxslər Sumqayıt Şəhər Polis İdarəsinin əməkdaşı, çavuş Qalib Tanrıverdiyevi idarə etdiyi “Tofaş” markalı xidməti maşınında atəşə tutublar. Nəticədə Q. Tanrıverdiyev xəsarət alıb və xəstəxanaya yerləşdirilib. Faktla bağlı Sumqayıt Şəhər Polis İdarəsində Cinayət Məcəlləsinin 29, 120-ci (qəsdən adam öldürməyə cəhd) maddəsi ilə cinayət işi qaldırılıb. Cinayətkarların tapılması üçün əməliyyat-axtarış tədbirləri davam etdirildiyini deyən E. Zahidov bunun üçün şəhərin giriş və çıxış yollarında polis əməkdaşların nəzarəti gücləndirdiyini bildirib: “Ehtimal olunur ki, naməlum şəxslər hər hansı cinayəti törətməyə hazırlaşırmış. Onlar polis əməkdaşının yaxınlaşdığını gördükdə, odlu silahdan atəş açaraq bu cinayəti törədiblər”. /APA/