4 yol qəzası nəticəsində 4 nəfər dünyasını dəyişib

4 yol qəzası nəticəsində 4 nəfər dünyasını dəyişib
# 05 aprel 2007 12:20 (UTC +04:00)
Aprelin 4-də saat 13:30 radələrində Sabunçu rayonunun Bakıxanov qəsəbəsi ərazisində naməlum sürücü idarə etdiyi "Mercedes E-220" markalı avtomaşınla Lerik rayon sakini Kəsirə Rzayevanı vurub. Bu barədə APA-ya Daxili İşlər Nazirliyinin mətbuat xidmətindən məlumat verilib. Nəticədə K. Rzayeva hadisə yerində ölüb.
Nizami rayonu E. Süleymanov küçəsində Bakı şəhər sakini Hikmət Qurbanovun idarə etdiyi “Auldi-80” markalı avtomaşın Bəhmən Babayevi vurub. Xəsarətlə xəstəxanaya yerləşdirilən B. Babayev orada ölüb. Lənkəran şəhəri ərazisində Osaküçə kənd sakini Ağababa Hümbətov idarə etdiyi “Kavz” markalı avtomaşınla şəhər sakini Minəvvər Mövsümovanı vurub. M. Mövsümova xəsarətlə xəstəxanaya yerləşdirilsə də, orada dünyasını dəyişib. Şəmkir rayonu ərazisində Gədəbəy rayon sakini Etibar Əliyev idarə etdiyi “Mersedes-180” markalı avtomaşınını dərəyə aşırıb. Nəticədə maşında olan sərnişin, Gədəbəy rayon sakini Mahir Əliyev hadisə yerində ölüb. /APA/
#
#

ƏMƏLİYYAT İCRA OLUNUR