Ağcabədidə baş verən yol qəzasında ər-arvad yanaraq ölüb - YENİLƏNİB - FOTO

Ağcabədidə baş verən yol qəzasında ər-arvad yanaraq ölüb - YENİLƏNİB - FOTO
  • Clock-gray 12:26
  • calendar-gray 29 Noyabr 2019

Ağcabədidə baş verən yol qəzasında avtomobildə yanaraq ölən şəxslərin kimliyi məlum olub.

APA-nın yerli bürosunun verdiyi məlumata görə, qəza nəticəsində “VAZ-21099”un sürücüsü, Ağcabədi rayon Pəroğullar kənd sakini, 1952-ci il təvəllüdlü Dədəkişiyev Hüseyn Məhəmməd oğlu və onun həyat yoldaşı, 71 yaşlı Dədəkişiyeva Güllü Fərrux qızı  yanaraq ölüblər. 

Qəza nəticəsində “VAZ-2107” markalı, 10 CF 494 dövlət nömrə nişanlı avtomobilin sürücüsü, rayonun Xocavənd qəsəbə sakini Məmmədov Orxan İlham oğlu xəsarətlə xəstəxanaya yerləşdirilib.

 

Faktla bağlı araşdırma aparılır.

***

Saat 10:24

Ağcabədidə ölümlə nəticələnən yol-nəqliyyat hadisəsi baş verib.

Fövqəladə Hallar Nazirliyindən APA-ya verilən məlumata görə, Ağcabədi rayonunun Avşar kəndində “VAZ” markalı iki minik avtomobili toqquşub. Nəticədə avtomobillərdən birinin yanar hissələri yanıb. Yanğının kəşfiyyatı zamanı avtomobildə aşkarlanan 2 nəfərin (şəxsiyyətləri dəqiqləşdirilir) yanmış meyiti yanğınsöndürən-xilasedicilər tərəfindən nəqliyyat vasitəsindən çıxarılaraq aidiyyəti üzrə təhvil verilib.

Yanğın yanğından mühafizə bölmələri tərəfindən söndürülüb.

Əcəmi Əsədulla

Digər xəbərlər

Arxiv

date