Astarada yanan evdə meyiti tapılan şəxsin qətlə yetirildiyi məlum olub.
APA-nın məlumatına görə, belə ki, rayonun Şiyəkəran kəndində 1961-ci il təvəllüdlü Əliyev Cabir Mürvət oğlunun Əliyev Sadıq Noruz oğlunun evində yanaraq ölməsi bildirilib.
Hadisə yerinə və yanmış evə baxış keçirilərkən ev sahibi S. Əliyev saxlanılıb.
Məlum olub ki, S. Əliyev C.Əliyevi evinə dəvət edib və orada aralarında mübahisə yaranıb. Mübahisə zamanı S. Əliyev C.Əliyevin əvvəlcə başına odun parçası ilə, daha sonra isə mətbəx bıçağı ilə çoxsaylı zərbələr endirərək onu qətlə yetirib.
Faktla bağlı Astara rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
