Bakı-Şamaxı yolunda baş verən qəzada ölən və xəsarət alan şəxslərin adları məlum olub

Bakı-Şamaxı yolunda baş verən qəzada ölən və xəsarət alan şəxslərin adları məlum olub
  • Clock-gray 12:41
  • calendar-gray 21 Dekabr 2019

Qobustan rayonunda baş verən ağır yol-nəqliyyat hadisəsi zamanı ölən və xəsarət alan şəxslərin kimliyi məlum olub.

APA-nın yerli bürosunun xəbərinə görə, ötən gecə Bakı-Şamaxı yolunun 78-ci kilometrliyində, Ceyrankeçməz adlı ərazidə "Mercedes" markalı yük avtomobili qarşı tərəfdə eyni istiqamətdə hərəkətdə olan "KaMAz" markalı yük maşınına çırpılıb.

Hadisə zamanı hər iki avtomobilin sürücüsü, Şamaxı sakinləri - 1975-ci il təvəllüdlü Səlimov Hidayət Nuru oğlu və 1966-cı il təvəllüdlü Əliyev Neman Vasif oğlu müstəlif dərəcəli bədən xəsarətləri alıblar. "Mercedes"in sərnişini, Qax rayon sakini, 1977-ci il təvəllüdlü Qədirov Aydın Adil oğlu aldığı ağır xəsarətlər səbəbindən hadisə yerində dünyasını dəyişib.

Hadisə yerinə FHN-nin xilasediciləri cəlb olunub və deformasiyaya uğramış avtomobildə sıxılmış vəziyyətdə qalan şəxsləri çıxarıblar.

Faktla bağlı Baş Dövlət Yol Polisi İdarəsinin istintaq və təhqiqat şöbəsi tərəfindən araşdırma aparılır.

Şahnəzər Bəşirov

Digər xəbərlər

Arxiv

date