Bakıda Uşaq Musiqi Məktəbinin direktoru yarım milyon manatlıq mənimsəmədə ittiham olunur

Bakıda Uşaq Musiqi Məktəbinin direktoru yarım milyon manatlıq mənimsəmədə ittiham olunur
# 25 noyabr 2020 09:20 (UTC +04:00)

Bakı şəhəri Hüseynqulu Sarabski adına 7 nömrəli Uşaq Musiqi Məktəbinin direktoru Мehriban Əsgər qızı Rüstəmova barəsində cinayət işi başlanılıb.

APA-nın məlumatına görə, M. Rüstəmova dövlət əmlakını xüsusilə külli miqdarda mənimsəmədə təqsirləndirilir.

İş üzrə zərərçəkən şəxs qismində Mədəniyyət Nazirliyi tanınıb.

Dəymiş zərər yarım milyon manatdan çoxdur.

M. Rüstəmova barəsində Cinayət Məcəlləsinin 179.4-cü (mənimsəmə, xüsusilə külli miqdarda ziyan vurmaqla törədildikdə) maddəsi ilə ittiham verilib.

Onun barəsində başlanan cinayət işinin istintaqı başa çatıb və baxılması üçün Bakı Ağır Cinayətlər Məhkəməsinə göndərilib.

Cinayət işi hakim İlham Mahmudovun icraatına verilib.

#
#

ƏMƏLİYYAT İCRA OLUNUR