Bakıda avtomobil mağazaya çırpılıb, xəsarət alanlar var - FOTO - YENİLƏNİB

Bakıda avtomobil mağazaya çırpılıb, xəsarət alanlar var - FOTO - YENİLƏNİB
  • Clock-gray 06:14
  • calendar-gray 07 Yanvar 2021

Bakının Xətai rayonunda yol qəzası nəticəsində xəsarət alanların kimliyi məlum olub.

APA-nın məlumatına görə, “Toyoto”nın sürücüsü, 1971-ci il təvəllüdlü Əhmədov Elxan Sərvər oğlu başın çoxsaylı kəsilmiş yaraları və sol əl barmaqlarının açıq sınığı diaqnozu ilə 3 nömrəli şəhər xəstəxanasına yerləşdirilib.

Eyni zamanda həmin avtomobildə olan sərnişin, 1993-cü il təvəllüdlü Əhmədzadə Ceyhun Əvəz oğlu alının əziyi xəsarəti ilə xəstəxanaya yerləşdirilib.

Xəstəxananın növbətçi həkiminin APA-ya verdiyi məlumata görə, sürücü Elxan Əhmədovun vəziyyəti stabil-ağırdır. O, reanimasiya şöbəsindədir.

***

00:18

Bakının Xətai rayonunda ağır yol-nəqliyyat hadisəsi baş verib.

APA xəbər verir ki, hadisə Yusif Səfərov küçəsində qeydə alınıb.

Belə ki, "Toyoto" markalı nəqliyyat vasitəsi yüksək sürətlə hərəkətdə olan zaman "VAZ 2107" markalı maşına çırpılıb. "Toyoto" daha sonra çılçıraq mağazasına çırpılıb.

Qəza nəticəsində "Toyoto"nın sürücüsü ağır xəsarət alıb.

Faktla bağlı araşdırma aparılır.

Nurlan Əli

Digər xəbərlər