Bakıda evin döşəməsi çöküb, bir nəfər dağıntılar altında qalaraq ölüb

Bakıda evin döşəməsi çöküb, bir nəfər dağıntılar altında qalaraq ölüb
  • Clock-gray 02:14
  • calendar-gray 31 Dekabr 2020

Bakı şəhərinin Yasamal rayonunda birmərtəbəli fərdi yaşayış evinin döşəməsi çöküb, nəticədə 1 nəfər dağıntılar altında qalaraq ölüb.

APA Fövqəladə Hallar Nazirliyinə (FHN) istinadən xəbər verir ki, bu barədə məlumat nazirliyin "112" qaynar telefon xəttinə daxil olub.

Məlumata əsasən, nazirliyin Xüsusi Riskli Xilasetmə Xidmətinin müvafiq xilasetmə qüvvələri qeyd olunan ünvana cəlb olunub.

Həyata keçirilən qəza-xilasetmə tədbirləri nəticəsində dərinliyi təqribən 80 sm olan zirzəmiyə düşmüş 1958-ci il təvəllüdlü Hacıyev Elçin Hacı oğlunun meyiti dağıntılar altından çıxarılaraq aidiyyəti üzrə təhvil verilib.

apa-logo-mini

Digər xəbərlər