Bakıda həftəsonu qadağasına əməl etməyən dönərxana aşkar edilib

Bakıda həftəsonu qadağasına əməl etməyən dönərxana aşkar edilib
  • Clock-gray 09:23
  • calendar-gray 07 Dekabr 2020

Sabunçu rayonunda Operativ Qərargahın qərarına əsasən həftəsonu qadağasına əməl etməyərək fəaliyyət göstərən dönərxana aşkar edilib.

Daxili İşlər Nazirliyindən APA-ya verilən məlumata görə, Sabunçu Rayon Polis İdarəsinin 15-ci Polis Bölməsinin əməkdaşları tərəfindən keçirilən tədbirlərlə Zabrat qəsəbəsində yerləşən marketlərdən birində yerləşən dönərxananın fəaliyyət göstərdiyi məlum olub.

Polislər tərəfinən həmin obyektin icarədarı, paytaxt sakini İbrahim Novruzov, eləcə də orada işləyən Bakı şəhər sakinləri Tahir Eminov, Xəyal İsgəndərov, Ağasif İbrahimov və Ramin Məmmədəliyev barəsində inzibati protokol tərtib edilib.

Adları çəkilən şəxslərin hər biri İnzibati Xətalar Məcəlləsinin 211.1 ci maddəsi ilə 400 manat miqdarında cərimə ediliblər.

Səlcuq Elçin

Digər xəbərlər