Bakıda yanğın hadisəsi baş verib.
Fövqəladə Hallar Nazirliyindən APA-ya verilən məlumata görə, Qaradağ rayonunda ümumi sahəsi 390 m² olan 2 mərtəbəli evin dam örtüyünün taxta atmaları 195 m² sahədə, 2-ci mərtəbəsində 1 otağın yanar konstruksiyaları və içərisindəki əşyalar 28 m² sahədə yanıb.
Yüksək temperaturdan evin mətbəxinin lambirindən ibarət tavanı 16 m² sahədə əriyib. Evin qalan hissəsi yanğından mühafizə olunub.
Yanğın yanğından mühafizə bölmələri tərəfindən söndürülüb.