Bakıda mağazaya basqın edərək satıcını öldürən şəxsin cinayət işi məhkəməyə göndərilib

Bakıda mağazaya basqın edərək satıcını öldürən şəxsin cinayət işi məhkəməyə göndərilib
  • Clock-gray 18:46
  • calendar-gray 21 Avqust 2020

09 fevral 2020-ci il tarixdə paytaxtın Xətai rayonu ərazisində Bəxtiyar Əliyevin satıcı işlədiyi mağazada basqın edilərək bıçaqla xəsarət yetirilib qəsdən öldürülməsi faktı üzrə Cinayət Məcəlləsinin 120.2.11 (quldurluq, hədə-qorxu ilə tələb etməklə əlaqədar adam öldürmə) və 181.3.3-cü (zərərçəkmiş şəxsin sağlamlığına ağır zərər vurulmaqla quldurluq) maddələri ilə Xətai rayon prokurorluğunda cinayət işi başlanaraq istintaq aparılıb.

Xətai rayon prokurorluğundan APA-ya istintaqla İsmail Ağasənovun özgənin əmlakını quldurluq yolu ilə ələ keçirmək məqsədi ilə Bəxtiyar Əliyevə işlədiyi mağazada həyat və sağlamlıq üçün təhlükəli zorakılıqla bağlı olan basqın edərək qəsdən öldürməsinə əsaslı şübhələr müəyyən edildiyindən o, Cinayət Məcəlləsinin qeyd edilən maddəsi ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Cinayət işi üzrə müvafiq ekspertizalar təyin edilib, hadisə yerinə baxış keçirilib, maddi sübutlar götürülüb, şahidlər dindirilib və digər zəruri prosessual hərəkətlər yerinə yetirilib.

Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Bakı Ağır Cinayətlər Məhkəməsinə göndərilib.

apa-logo-mini

Digər xəbərlər