Bakının Nizami rayonunda yol qəzası baş verib.
APA xəbər verir ki, hadisə Babək prospektində “Nissan” avtosalonunun qarşısında qeydə alınıb.
1991-ci il təvəllüdlü Ağayev İlham Rafiq oğlu idarə etdiyi motosikletlə yol kənarında hərəkətsiz vəziyyətdə dayanan “Mercedes” markalı nəqliyyat vasitəsinə çırpılıb. İ.Ağayev ağır xəsarət alaraq xəstəxanaya yerləşdirilib.
Faktla bağlı Nizami Rayon Polis İdarəsində araşdırma aparılır.