Balakəndə quldurluq edən şəxs saxlanılıb

Balakəndə quldurluq edən şəxs saxlanılıb
  • Clock-gray 10:42
  • calendar-gray 07 Aprel 2020

Balakən Rayon Polis Şöbəsinə şəhər ərazisində yerləşən şərab evlərinin birində quldurluq cinayətinin baş verməsi barədə məlumat daxil olub. 

DİN-in mətbuat xidmətinin Şəki regional qrupundan APA-ya verilən məlumat görə, Polis Şöbəsinin əməkdaşları tərəfindən dərhal hadisə yerinə baxış keçirilib. Bir nəfər naməlum şəxsin mağazaya daxil olub satıcıya balta ilə hədə-qorxu gələrək,  ondan spirtli içki tələb etdiyi müəyyən olunub. 

Polis əməkdaşları tərəfindən keçirilmiş istintaq və əməliyyat-axtarış tədbirləri nəticəsində quldurluq cinayətini törədən şəxsin Balakən şəhər sakini, əvvəllər də narkotik vasitələrin qanunsuz dövriyyəsinə görə məhkum olunmuş 60 yaşlı Hikmət Mansurov olduğu müəyyən olunub. O, şübhəli şəxs qismində saxlanılıb və cinayəti sərxoş vəziyyətdə törətdiyini etiraf edib.

Faktla bağlı araşdırma aparılır.

 

Vüqar Heydərov

Digər xəbərlər

Arxiv

date