Baş Narkotiklərlə Mübarizə İdarəsi əməliyyat keçirib, 2 nəfər saxlanılıb

Baş Narkotiklərlə Mübarizə İdarəsi əməliyyat keçirib, 2 nəfər saxlanılıb
  • Clock-gray 12:34
  • calendar-gray 29 İyun 2020

Masallı və Lənkəran sakinləri saxlanılıb.

Daxili İşlər Nazirliyinin mətbuat xidmətindən APA-ya verilən məlumata görə, Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının əldə edilmiş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən Masallı rayon sakini, əvvəllər məhkum olunmuş F.Abbasov saxlanılıb. Şəxsi axtarış zamanı ondan heroin aşkar edilib.

Davam etdirilən tədbirlərlə ona narkotik vasitəni satmaqda şübhəli bilinən Lənkəran rayon sakini A.Qafarov da saxlanılıb.

Ətrafında aparılmış tədbirlərlə onun evindən 3 kiloqram 145 qram marixuana, 8 qramdan artıq heroin və 6 qrama yaxın metamfetamin aşkar edilərək götürülüb.

Səlcuq Elçin

Digər xəbərlər