Gəncədə baş vermiş avtoqəzada 1 nəfər ölüb, 4 nəfər xəsarət alıb

Gəncədə baş vermiş avtoqəzada 1 nəfər ölüb, 4 nəfər xəsarət alıb
  • Clock-gray 23:44
  • calendar-gray 29 Sentyabr 2020

Gəncədə ölümlə nəticələnən ağır yol qəzası baş verib.

APA-nın yerli bürosunun məlumatına görə, hadisə şəhərin Nəriman Nərimanov prospektində qeydə alınıb.

Hərəkətdə olan "Toyota Prado" markalı minik maşını ilə "Hyundai" markalı avtomobil toqquşub. Nəticədə 1954-cü il təvəllüdlü Mirzəyev Məqsəd Rüstəm oğlu hadisə yerində dünyasını dəyişib, 1988-ci il təvəllüdlü Köçəriyev İqbal Əli oğlu, 1976-cı il təvəllüdlü Cənnətov Mahmud Saleh oğlu, 1962-ci il təvəllüdlü İsmayılov Fəqani Abuzər oğlu və 1995-ci il təvvəllüdlü Məmmədov Vüsal Maksim oğlu xəsarət alaraq xəstəxanaya yerləşdiriliblər. Yaralıların vəziyyətinin orta ağır olduğu bildirilir.

Hadisə yerinə DYP əməkdaşları cəlb olunub. Faktla bağlı araşdırma aparılır.

Fuad Nazimoğlu

Digər xəbərlər