Gəncədə yanğın olub.
APA-nın yerli bürosunun məlumatına görə, hadisə şəhərin Şərq küçəsində qeydə alınıb.
Şəhər sakini, 1960-cı il təvəllüdlü Qasımov Tofiq Həsən oğluna məxsus 169 kv/metr evin dam örtüyündə yanğın başlayıb. Dərhal hadisə yerinə FHN-in yanğın söndürən avtomobili və canlı qüvvəsi cəlb olunub.
Yanğın qısa müddətdə söndürülüb, yaxınlıqdakı evlərə keçməsinin qarşısı alınıb. Yanğın zamanı evin dam örtüyü 10 kv/metr və evə yaxın ərazidə 20 kv/metr məişət tullantıları yanıb.