Goranboy rayonunda baş vermiş yol qəzasında xəsarət alan şəxslərin kimliyi məlum olub.
APA-nın Mingəçevir bürosunun məlumatına görə, onlar 2002-ci il təvəllüdlü Tovuz rayon sakini Əhmədov Elçin Çingiz oğlu, 1998-ci il təvəllüdlü Kürdəmir rayon sakini Qurbanov Həmid Natiq oğlu və Tərtər rayon sakini Əsgərzadə Yadigar Zülfüqar oğludur.
***
Saat 21:35
Goranboyda ağır yol qəzası baş verib.
APA-nın Mingəçevir bürosunun məlumatına əsasən, hadisə Goran-Qızılhacılı avtomobil yolunda qeydə alınıb.
"BMW" və "VAZ 21011" markalı maşınlar toqquşub. Nəticədə müxtəlif bədən xəsarətləri alan 3 yaralı xəstəxanaya yerləşdirilib.
İlkin məlumata görə, qəzada avtomobillərdən biri hərəkətsiz vəziyyətdə olub.
Faktla bağlı araşdırma aparılır.