Göyçay rayonunda yanğın hadisəsi baş verib.
APA-nın yerli bürosunun xəbərinə görə, hadisə bu gün saat 15:00 radələrində rayonun Kürdşaban kəndində qeydə alınıb. Kənd sakini, 1975-ci il təvəllüdlü Muradova Elnarə Cəfər qızına məxsus ümumi sahəsi 110 kvadratmetr olan iki otaqlı evdə baş verən yanğının söndürülməsi üçün əraziyə FHN-nin Göyçay Dövlət Yanğından Mühafizə Hissəsinin 3 yanğınsöndürən avtomobili və canlı qüvvəsi cəlb olunub.
Nəticədə ev içərisindəki əşyaları ilə birlikdə yanıb.
Yanğınsöndürənlər alovun yaxınlıqdakı tikililərə keçməsinin qarşısını alıb və yanğın söndürülüb.
Yanğın kəşfiyyatı zamanı orada yaşayan, 1934-cü il təvəllüdlü Mahmudova Badam Ağası qızının yanmış meyiti tapılıb.
Yanğının baş vermə səbəbləri hələlik məlum deyil.
Faktla bağlı araşdırma aparılır.